Президент жариялаған Жұмысшы мамандықтар жылы аясында Солтүстік Қазақстан облысы Явленка ауылында Жұмысшы мамандықтар фестивалі ұйымдастырылды. Бұл туралы Aqshamnews.kz сайты хабарлайды.
Іс-шараға өңірдің 20 колледжі қатысып, жастарға сұранысқа ие мамандықтар туралы ақпарат беріп, білім беру бағдарламаларын таныстырды. Жұмысшы кәсіптеріне деген қызығушылықты арттыру – басты мақсаттардың бірі болды.
Облыс әкімі Ғауез Нұрмұхамбетов фестивальге қатысып, 15 колледжде 16 жаңа мамандық ашылатынын жеткізді. Оның 14-і – жұмысшы бағытындағы мамандықтар. Сонымен қатар Петропавл мектептерінде «автослесарь» мен «электрик» сыныптары ашылып жатыр.
Жұмысшы кадрларға сұранысты ескере отырып, мемлекеттік тапсырыс 1742 грантқа дейін ұлғайтылды. Түлектердің жұмысқа орналасу көрсеткіші – 98%, бұл салада нақты нәтиже бар екенін көрсетеді.
7 мың түлек түрлі кәсіби байқауларға қатысып, 29 мың оқушы өндіріс орындарында тәжірибе алды. WorldSkills чемпионатында өңір студенттері 7 медаль жеңіп алды.
Жыл соңына дейін жас мамандар форумы, шеберлік сабақтары және жаңа мамандықтар атласы әзірленбек. Бұл бастамалар жастардың кәсіпті саналы таңдауына ықпал етеді.