Алған соққыдан жас спортшы Қанат Ахунов тілге келмеді.
Ақтау қаласында өтіп жатқан ММА чемпионатында 17 жасар жасөспірім қайтыс болды, деп хабарлайды аlmaty-akshamy.kz.
Боз кілем үстінде бақ сынасып жатқаны түсірілген бейнежазбалар әлеуметтік желіде тарады. Видеодан қарсыласын ішінен тепкен кезі, соққыдан жасөспірімнің құлаған сәтін көруге болады.
Ақтау қалалық полиция басқармасының баспасөз қызметі желіде тараған бейнежазбаға қатысты түсініктеме берді. Ведомство оқиғаға қатысты сот медициналық сараптама тағайындалғанын хабарлады.
"Екінші раундтағы жекпе-жек кезінде Ахунов ішіне тиген соққыдан қаза тапты. Сот медициналық сараптама тағайындалды", - деп хабарлады Ақтау қалалық полиция басқармасының баспасөз қызметі.
Спорт кешенінің медицина қызметкерлері жас жігітке көмектесуге тырысқан. Алайда, спортшыны құтқару мүмкін болмады.