Алматыда 1600-ден астам оқушылар жас құтқарушылар жасағының жарысына қатысты
27 мамырда «Медеу» туристік базасында қаланың 16 жалпы білім беретін мектептері мен лицейлерінің 9-10 сынып оқушылары арасында «Жас құтқарушы» XVI слетінің қатысушылар арасында финалдық жарыстар өткізілді, деп хабарлайды Аlmaty-akshamy.kz.
Финалдық жарысқа жас құтқарушылардың аудандық жасағының үздік жеңімпаз командалары іріктелді. Ұлдар мен қыздар дағдылар мен төтенше жағдайларда әрекет ету мінсіз қабілеттерін көрсетті, сондай-ақ күштік жаттығуларды да сәтті орындады.
Дәстүрлі түрде өткізетін іс-шараның аудандық және қалалық жарыстарына қаланың жалпы білім беретін мектептері мен лицейлерінен 1600-ден астам оқушы тартылған. Спорттық іс-шара ТЖ департаменті Білім басқармасымен бірлесіп, «Алматы қаласының құтқару қызметі» қолдауымен өткізілді .
Жас құтқарушы бірнеше кезеңнен тұрады: өрт сөндіру жабдығын жауынгерлік өрістету, зардап шеккен адамға алғашқы медициналық көмек көрсету және тасымалдау, аспалы өткел, екі тақтаны пайдалана отырып өткелден өту және т.б.
Жарыстарды өткізу тәжірибесі қатысушылардың ТЖ (жер сілкінісі , өрт және т.б.) кезінде қалай дұрыс әрекет ету керектігі туралы практикалық білім алатындығын, физикалық және психологиялық дайындық алатындығын және халықты қорғауды оқытудағы ең тиімді элементтердің бірі болып табылатынын көрсетеді.
«Таныстыру- Визит карточкасы» атты бірінші кезеңде өз шығармашылық презентациялық баяндамасында Бостандық ауданының № 189 және № 51 мектептерінің жас құтқарушылары тамаша өнер көрсетіп және Жетысу ауданындағы № 43 мектебі үздік атап өтілді.
«Жас құтқарушы» байқауының қорытындысы бойынша жалпы командалық есепте келесі жеңімпаздар анықталды:
1-орынды Наурызбай ауданының № 157 жалпы білім беретін мектебі иеленді;
2-орында - Медеу ауданының № 47 жалпы білім беретін мектебі;
3-орын Түрксіб ауданы № 59 мектеп командасының қоржынына түсті.
Наурызбай ауданының № 157 ЖББМ команда капитаны Дәуірқожа Мейіржан : «Тамаша өткізілген уақыт үшін сынып жарыстарына рахмет, қазір біздің алдымызда республикалық жарыстарда жеңіске жету міндеті тұр», - деп атап өтті.
«Жас құтқарушы» - бұл денсаулық, білім, өнер және достық мейрамы», - деп Алматы қаласының білім басқармасы жас жорықшылар орталығының директоры Иганбердиев Ринат Равильевич растады. Алматы қаласы білім басқармасының өкілі алғыс білдіріп, белсенді оқушыларды жас құтқарушыларды қатарына шақырып, естелік сыйлықтар табыс етті.
Жарыс қорытындысы бойынша салтанатты түрде грамоталар мен кубоктар табыс етілді. Балалар дала асханасынан тәтті-дәмділер, мерекелік астан дәм татты.
Айта кету керек, «Жас құтқарушы» үйірмелері салауатты өмір салтын насихаттау, тәрбиелеу, қысылтаяң жағдайларда дұрыс әрекет ету дағдыларын қалыптастыру мақсатында құрылады.
Енді қалалық жарыстардың жеңімпаздары ағымдағы жылдың маусым-шілде айларында Көкшетау қаласындағы республикалық жарыста бағын сынайтын болады.