Жетісу облысы Панфилов ауданындағы Жаркент қаласында туған баласын ұрып-соқты деген күдікке ілінген әйел сот шешімімен екі айға қамауға алынды, деп хабарлайды Aqshamnews.kz тілшісі.
Аталған дерек бойынша әйелге қатысты Қылмыстық кодекстің 110-бабының 2-бөлігі, яғни «Азаптау» бабымен қылмыстық іс қозғалған. Қазіргі уақытта сотқа дейінгі тергеу амалдары жүргізіліп жатыр.
Жетісу облыстық полиция департаментінің мәліметінше, іс аясында бірқатар сот сараптамасы тағайындалған. Олардың қатарында күдіктіге психиатриялық сараптама жүргізу де қарастырылған.
«Күдікті екі ай мерзімге қамауға алынды. Сараптамалардың қорытындысы шыққаннан кейін тергеу аяқталып, әйелге қатысты сот отырысы өтеді», – деп хабарлады полиция департаменті.