5 мамырдан бері 801 адам індет жұқтырған.
Жапонияда адам өміріне қауіпті аурулардың бірі – гемолитикалық стрептококк ауруы тез таралып жатыр, деп хабарлайды Almaty-akshamy.kz
Ол ангинаны жиі қоздыратын, тамақ ауруы.
NHK телеарнасының мәліметіне қарағанда, 5 мамырдан бері елде індетті 801 адам жұқтырған.
Бұл өткен жылдың сәйкес кезеңімен салыстырғанда 2,76 есеге көп.
2023 жылы жалпы 941 жедел гемолитикалық стрептококк инфекциясы тіркелген.
Мамандардың айтуынша, аурудың тез таралуы коронавирусқа қарсы қорғаныс шараларының азаюымен байланысты болуы мүмкін.