«Казақтелеком» компаниясы Sapa+ жобасын жалғастыруда, оның аясында биылғы жылдың соңына дейін 200 мың ескі роутерді ауыстыру жоспарланған, деп хабарлайды aqshamnews.kz
Компанияның төрағасы Бағдат Мусин жобаның алғашқы кезеңінде қазақстандықтар оны күмәнмен қабылдағанын, бірақ қазіргі таңда мұндай мәселе жоқ екенін және сұраныс өте көп екенін атап өтті.
Қазіргі уақытта жобаның аясында еліміздің барлық өңірлерінде 100 мың абоненттің ескі роутерлері жаңасына ауыстырылды. Жұмыстар қазан айында басталып, барлық облыс орталықтары мен моноқалаларды қамтыды. Әр күн сайын компанияға ескі жабдықты ауыстыру туралы жүздеген өтініш түсіп жатыр. «Казахтелеком» мамандары жаңа құрылғылар қоймаларға келіп түскен сайын оларды ауыстырып жатыр.
«Шынымды айтсам, жобаның алғашқы кезеңінде көптеген қазақстандықтар күмәнмен қарады және тіпті біздің кеңесшілердің роутерді ауыстыру ұсынысын қабылдамай қойды. Бірақ Sapa+ жобасының жүзеге асуымен және оның танымалдылығы артқан сайын, қазақстандықтар белсенді түрде жабдықты жаңарту үшін бізге өтініш бере бастады», — деді «Казақтелеком» АҚ басқарма төрағасы Бағдат Мусин.
«Казақтелеком» абоненттері «SAPA+» жобасына қатысу мүмкіндігін тексеріп, жаңа роутерді орнатуға өтініш беру үшін telecom kz мобильді қосымшасын пайдалана алады. Ол үшін қосымшаға верификацияланған нөмір арқылы кіріп, «SAPA+» талаптарына сай келгендер арнайы хабарлама алады. Қосымшаның басты бетінде өтініш беру үшін қосымша түймесі де пайда болады.