Жамбыл облысында діни радикализммен айыпталған 4 адамға қатысты үкім шықты, - деп хабарлайды aqshamnews.kz тілшісі.
Прокуратураның нұсқауы негізінде полиция мен Ұлттық қауіпсіздік комитетінің қызметкерлері діни алауыздықты нәсихаттайтын әдебиеттерді таратқан 4 адамнан құралған адамдар тобын құрықтады.
Бұл тұлғалар ел аумағында тыйым салынған діни материал мен уағыз-насихатты әлеуметтік желілерде жариялап отырған.
Күдікке ілінген тұлғалардың үй жайларына тінту барысында Қазақстан Республикасының аумағында діни алауыздықты қоздырушы ретінде таратуға тиым салынған материалдар тәркіленген.
Сот үкімдері заңды күшіне енді.
Прокуратура органдары әлеуметтiк, ұлттық, рулық, нәсiлдiк, тектік-топтық немесе дiни алауыздықты насихаттайтын әдебиетті немесе өзге де ақпарат жеткiзгiштердi дайындағаны немесе таратқаны үшін қылмыстық жауаптылық көзделгенін ескертеді.
Жамбыл облысында діни алауыздықты қоздырған төрт адам екі жылға сотталды
