Сапалы әлеуметтік инфрақұрылым қалыптастыру ерекше назарда, деді қала әкімі аудан тұрғындарымен кездесуде.
Оқушы орындарының тапшылығын азайту үшін 2023 жылы №65 мектепке 300 оқушыға арналған және №9 арнайы түзету мектеп-интернатына 120 орындық қосымша құрылыс салу аяқталды. Өткен жылдың желтоқсан айында №145 гимназия күрделі жөндеуден кейін пайдалануға берілді.
- №10, №70 мектептер мен №138 гимназиядағы күрделі жөндеу жұмыстары жалғасуда. Жұмыстар жаңа оқу жылы басталғанға дейін аяқталады.
- 2024 жылдың екінші тоқсанында 450 орындық жаңа корпусын сала отырып, №73 мектепті сейсмикалық күшейту жоспарланып отыр.
- «Жайлы мектеп» ұлттық жобасы аясында Егізбаев көшесінің бойында 2500 орындық, Розыбакиев көшесінің бойында 1500 орындық, Қожабеков көшесінің бойында 2000 орындық 3 жаңа мектептің құрылысы жалғасуда, жұмыстары 2024 жылдың соңында аяқталады.
- Сонымен қатар, «РАМС Сити» тұрғын үй кешенінің аумағында жаңа оқу жылы басталғанға дейін 1100 орындық мектептің құрылысы аяқталады.