Таяудағы жылдары агроөнеркәсіптік секторында IT-мамандарға сұраныс өсетін болады. Халықаралық ақпараттық технологиялар университеті (ХАТУ) оқуға түсушілерге «Биокомпьютинг» бірегей білім беру бағдарламасын ұсынады.
Сарапшылардың пікірінше, ауыл шаруашылығына цифрлық технологияларды енгізу аталмыш саланы дамытудың басым бағыты болып отыр. Қазіргі уақытта агроөнеркәсіптік кешеніндегі (АӨК) бизнес-процестер мен өндіріс айтарлықтай автоматтандырудан өтуде, ал IT-құзыреттілікке ие агрономдар, экономистер, технологтар, биопрепараттарды әзірлеушілер, сондай-ақ жоба менеджерлеріне деген сұраныс артуда. Он жылдан кейін синтетикалық биология саласындағы агрогенетик, биотехнолог, цифрлық агроном, экотехнолог, робототехник, ұшқышсыз ұшу аппараттарының операторлары және т.б. мамандықтар ауыл шаруашылығында танымал болмақ.
Халықаралық ақпараттық технологиялар университеті (ХАТУ) «Цифрлық Қазақстан» мемлекеттік бағдарламасын іске асыру шеңберінде агроөнеркәсіптік кешенді ауқымды цифрландырудың жолсерігі болатын жоғары білікті мамандарды даярлауды жүзеге асырады.
ХАТУ еліміздің жетекші IT-университеті ретінде биылғы жылы оқуға түсетін талапкерлер мен біліктілігін арттырғысы келушілерге «Биокомпьютинг» бірегей білім беру бағдарламасын меңгеруді ұсынуда. Жаңа білім беру бағдарламасы әлеуетті жұмыс берушілер – агрокәсіпорындардың талаптарын ескере отырып, Адам және жануарлар физиологиясы институтымен ынтымақтастықта әзірленген.
Атап өтерлік жайт, үздік отандық және шетелдік спикерлер мен сарапшылардың қатысуымен оқытылатын білім беру бағдарламалары мен мамандандырылған курстар студенттер арасында, сондай-ақ жаңа құзыреттер алғысы келетін кәсіпқойлар арасында да үлкен танымалдыққа ие. Университетте студенттерге кәсіпкерлік дағдыларды дамытуға көмектесетін және стартап-идеяға инвестициялар тартуға мүмкіндік беретін Innovation Center құрылды. Дарынды жастарды қолдау мақсатында ХАТУ жыл сайын теңдесі жоқ Hackday инновациялық идеялар фестивалін өткізеді, ол өткен жылдан бастап орасан зор ITFEST-ке айналып, жаңа серпін алды. Оған еліміздің жетекші компанияларының, оның ішінде АӨК-нің міндеттері мен кейстерін шешу үшін өз IT-идеялары мен жобаларын ұсынатын 3 мыңнан астам адам қатысады.
Білім беру бағдарламалары мен оқуға түсу шарттары туралы толық ақпаратты ХАТУ-да, Манас көшесі, 34/1 мекен-жайы бойынша, сонымен бірге www.iitu.edu.kz сайтынан алуға болады.