Ит - адамға ең жақын үй жануары
Дүние жүзіндегі ең қауқарлы, ең жүйрік әрі адамның досы ол – ит. Қазақ жұрты оны жеті қазынаға балайды. Адамзаттың сенімді серігіне айналған жануар жайында 5 қызықты мәліметті ұсынамыз.
* Адамға қарағанда иттер дауысты 10 есе жақсы ести алады. Ал иісті 100 000 есе артық сезеді. Тіпті бұрынырақта сезінген иістері де есінде қалады.
* Үй жануары сипалап, құшақтағанды ұнатпайды. Оны өзін басыну деп қабылдайды екен. Сондай-ақ, ит асырайтындар өзгелерге қарағанда көзін 66%-ға көп қозғалтады екен.
* Иттер 250 сөз бен қимылды есінде сақтайды. Ең қызығы беске дейін санап, қосу-алу секілді қарапайым есепті шеше алады. Тіпті, зеректілік деңгейі екі жасар баламен бірдей.
* Олардың жүрегінің соғуы адаммен тең. Шамамен минутына 60-100 соғады. Оған шоколад беру жүрегіне «у» берумен қатар зиян етеді.
* Екінші дүниежүзілік соғысқа сырттандар да қатысты. Нақ сол кезде қызыл әскердің құрамында 70000 ит қызметте болған.