«Алматы – біздің ортақ үйіміз» акциясы аясында өскелең ұрпақты табиғи ресурстарға жауапкершілікпен қарауға тәрбиелеуге бағытталған танымдық жоба іске қосылды.
Жобаға қатысушылар тәжірибелі гидтердің жетекшілігімен экотуризм негіздері бойынша тегін оқудан өтуге, аймақтың бай биоәртүрлілігімен танысуға және оны сақтаудың тиімді әдістерін меңгеруге мүмкіндік алады, деп хабарлайды аlmaty-akshamy.kz.
Оқыту онлайн режимінде аптасына 3 рет 2 академиялық сағаттан жүргізіледі: Курс бағдарламасы қатысушыларға ыңғайлы уақытта өз бетінше оқуға арналған «Экологиялық өмір салты», «Экомаршруттарда нені білу және не істеу керек», «Табиғат және адамдар» атты үш модульден тұрады:
Курсты аяқтағаннан кейін қатысушылар тәжірибелі гидтердің жетекшілігімен 14 мамырдан 30 шілдеге дейін үш практикалық оқу сапарына қатыса алады. Жоба аяқталғаннан кейін қатысушылар IRBIS ALMATY экотуристік сертификатын алады, ал олардың үздіктері 2024 жылдың қыркүйегінде өтетін туристік раллиде марапатталады.
«Алматы-2024» Альпиниада (turclub.kz) сайтында тіркеу ашық. Бастама экологиялық білім, экологиялық менеджмент және белсенді туризм саласындағы күш-жігерді біріктіруге арналған, оның негізгі мақсаты қоршаған ортамен жауапты және тұрақты өзара әрекеттесуге дайын көшбасшылардың жаңа буынын дайындау болып табылады.