Әлемге танымал кәсіпкер Илон Масктың анасы Мэй Маск 17 қазанда өтетін Орталық Азия әйелдеріне арналған BeWoman форумына қатысу үшін Алматыға келді, деп хабарлайды aqshamnews.kz
Форум барысында Мэй Маск алматылықтармен денсаулық, дұрыс тамақтану, қартаю, гендерлік теңдік, балаларды жалғыз тәрбиелеу, қиындықтарды жеңу және өзіне деген сенімділікті арттыру тақырыптарында тәжірибесімен бөліседі.
Сапары барысында бүгін Мэй Маск Ықылас Дүкенұлы атындағы Ұлт аспаптар мұражайына барып, қазақ халқының ұлттық музыкалық аспаптарымен танысты. Ол мәдениетіміздің бай мұрасын жоғары бағалап, қазақ аспаптарының тарихына үлкен қызығушылық білдірді.