Жоба полицейдің позитивті образын қалыптастыру және полицей мамандығына деген қызығушылықты арттыруға бағытталған.
5-11 қыркүйек аралығында балалар жылы аясында, сондай-ақ Отбасы күнін мерекелеу қарсаңында “Менің полициям” ақпараттық-имидждік жобасы өтеді, деп хабарлайды Almaty-akshamy.kz Polisia.kz-ке сілтеме жасап.
Жобаның шарты бойынша бала полицияда қызмет ететін ата-анасының жұмыс орнына келіп, бір күндік жұмысымен танысады. Материалда бала полицияның бір күндік тынысын, көзбен көрген қызықты сәттерін өз пайымымен баяндау қажет. Аталған жобаға мектеп жасындағы балалары бар (8-14 жас аралығында) полицейлер отбасы қатыса алады. Бейнематериалдың сценариін аумақтық ПД өз қалаулары бойынша түрлендіріп, еркін форматта өткізуіне болады, хронометражы 1,5-2 минуттан аспауы тиіс. “Менің полициям” атты бейнематериалдар әлеуметтік желілерде, республикалық және жергілікті БАҚ-та жарияланатын болады.