Енді қазақстандықтар дайын құжаттарды Халыққа қызмет көрсету орталығына бармай-ақ, үйіне жеткізіп алуға мүмкіндік алады.
Қызмет ақылы негізде ұсынылады, - деп хабарлайды Aqshamnews.kz.
Қызмет құны:
Астана, Алматы және Шымкент қалаларында — 1 990 теңге;
Өңірлік бөлімшелерде — 1 000 теңге.
Үйге жеткізуге болатын құжаттар тізімі:
Баланың туу туралы куәлігі;
Некені бұзу туралы куәлік;
Қайта берілетін куәліктер мен архивтік анықтамалар (туу, неке қию/бұзу, қайтыс болу);
Білім туралы құжаттардың телнұсқалары;
АХАЖ жазбаларын қалпына келтіру туралы құжаттар;
Ресми құжаттарды апостильдеу.
Қызметті қалай алуға болады?
Құжаттарды жеткізу қызметін тек құжаттарға ЦОН-да өтініш берген кезде бірден рәсімдеуге болады.
Құжат дайын болған кезде 1414 нөмірінен бірегей кодпен SMS-хабарлама келеді.
Одан кейін курьер қызмет алушымен байланысып, жеткізу мәліметтерін нақтылайды. Құжатты тапсыру кезінде жеке басын куәландыратын құжат пен SMS арқылы келген код арқылы тұлғаны сәйкестендіру жүргізіледі.