Қазақстан жасөспірімдер құрамасы шайбалы хоккейден әлем чемпионатындағы екінші ойынын Жапонияға қарсы өткізді
Францияның Анже қаласында 1А дивизионында бүгін екінші тур ойындары өтті, деп хабарлайды Almaty-akshamy.kz Azattyq Ruhy-на сілтеме жасап.
Қазақстандық хоккейшілер кездесу барысында сенімді ойын көрсетті. Бірінші кезеңнің 18-минутында ел құрамасынан Артур Гросс көздеген нысанадан мүлт кеткен жоқ.
Екінші кезеңде қазақстандық Кирилл Ляпунов 21-минутында есепті үстемелей түсті.
Үшінші кезеңде ел құрамасынан Александр Ким 41-минутта басымдықты арттырса, Кирилл Ляпунов 44-минутта тағы бір мәрте гол соқты.
Кездесу нүктесін 58-минутта Абай Бейсембаев қойды. Осылайша қазақстандық хоккейшілер қарсыласынан 5:0 есебімен басым түсті.