Алматыда "Халық қатысатын бюджет" жобасына өтінім қабылдау жалғасып отыр. Жобаны "Алматы даму орталығы" акционерлік қоғамы қолға алған. Өтінімдер 2025 жылы 30 қыркүйекке дейін қабылданады.
Бүгінгі таңда қала тұрғындарынан 1 606 ұсыныс қабылданды. Алматылықтар аумақты көгалдандыру, аулалар мен қоғамдық кеңістіктерді абаттандыру, тротуарлар мен арықтарды жөндеу, балалар және спорт алаңдарын орнату, сондай-ақ санитарлық тәртіпті жақсартуға бағытталған бастамалар ұсынған.
Өтінімді онлайн режимде budget.open-almaty.kz платформасы арқылы беруге болады.
Өтінімде көрсетілуі қажет:
• жобаның атауы мен қысқаша сипаттамасы;
• нысанның нақты мекенжайы;
• фото немесе эскиз;
• шығынның алдын ала сметасы.
Қатысу шарттары:
• бір адам - бір өтінім- бір нысан;
• нысан жалпыға ортақ және өтініш берушінің ауданында орналасуға тиіс;
• жобада ең көп бюджет - 294,9 млн теңге.
Өтінім қабылдау аяқталғаннан кейін барлық жоба сараптамалық кеңестер мен аудан әкімдіктерінің қарауына жіберіледі. Ең көп дауыс жинаған бастамалар 2026 жылы жүзеге асырылады.
"Алматы даму орталығы" акционерлік қоғамы дауыс беру барысы мен қорытындылары, сондай-ақ, таңдалған жобалардың жүзеге асырылуы туралы тұрғындарды хабардар етіп отырады.
Қосымша сұрақ туындаса тұрғындар аудан әкімдіктеріне немесе Open Almaty Қоғамдық қабылдауына мына телефон арқылы хабарласа алады: 224 39 29 (ішкі 203).