Тартысты жекпе-жек болғалы тұр
Орта салмақта IBF және IBO тұжырымдары бойынша әлем чемпионы Геннадий Головкин (41-1-1, 36 КО) мен WBA «суперчемпионы» Риота Мурата (16-2, 13 КО) арасындағы жекпе-жек көктемге дейін өтуі мүмкін, деп хабарлайды Almaty-akshamy.kz Рrosports.kz-ке сілтеме жасап
«Дереккөздер мәліметінше, Муратаға қарсы жекпе-жек ақпанға шегерілуі мүмкін, GGG жеңіске жетсе, сиқырын қайтару үшін келесі жылы тағы екі кездесу өткізуі қажет», - деп жазды инсайдер Майк Коппинджер.
Бұған дейін жекпе-жек 29 желтоқсанда Токиода өтеді деп жоспарланған, бірақ Жапониядағы карантин шараларына байланысты кездесу шегерілген еді.
Осылайша, Головкин 2021 жылы жекпе-жек өткізген жоқ.