Голливудтың әйгілі актері Том Холланд қазақстандық видеограф әрі блогер Дастан Мұхамедрахымға арнайы алғыс айтып, жылы сәлемін жолдады, – деп хабарлайды aqshamnews.kz тілшісі.
"Сәлем, Дастан! Қалың қалай? Алдыңда Том Холланд. Ең алдымен, қолдауың үшін рақмет айтқым келеді. Жасап жүрген керемет дүниелерің үшін де рақмет. Шынымен барлығын бағалаймын. "Өрмекші адам" трейлерінің бір бөлігі болғаның үшін рақмет!" - дейді өнер иесі.
Айта кетейік, жаңа "Өрмекші адам" трейлері жаңа форматта ұсынылды. Бұл идеяны Том Холланд бастаған. Трейлер бірнеше бөлікке бөлініп, әр мүше эксклюзив үзіндіні жариялап, эстафетаны келесі адамға жолдап отырады.
Осы жобаға қазақстандық видеограф және тревел-блогер Дастан Мұхамедрахым да қатысты.