Германияның ең ірі әуежайларында 10 наурыз, дүйсенбі күні 24 сағаттық ескерту ереуілі басталды.
Әуежай операторларын, жерүсті қызметкерлері мен авиациялық қауіпсіздік қызметкерлерін ереуілге шығуға немістің Ver.di кәсіподағы шақырды, деп хабарлайды aqshamnews.kz.
Ереуіл Берлин-Бранденбург, Штутгарт, Кёльн/Бонн, Дюссельдорф, Дортмунд, Мюнхен, Гамбург, Франкфурт-на-Майне, Ганновер, Бремен және Лейпциг/Галле әуежайларын қамтыды. Веце және Карлсруэ/Баден-Баден әуежайларында тек жолаушыларды, персоналды, жүктер мен тауарларды тексерумен айналысатын авиациялық қауіпсіздік қызметкерлері ереуілге шықты.
Неміс әуежайларының ADV қауымдастығының бағалауы бойынша, Ver.di ұйымдастырған ереуіл 3400-ден астам рейстің тоқтатылуына әкеліп, шамамен 510 000 жолаушыға әсер етуі мүмкін.
Профсоюз талаптары:
• Жалақыны 8 пайызға, бірақ айына кемінде 350 еуроға арттыру
• Қиын жұмыс жағдайлары үшін үстемеақыларды көбейту
• Қызметкерлерге қосымша демалыс күндерін беру
Ver.di мәлімдемесінде бұл ереуіл шамамен 25 000 қызметкердің еңбек жағдайын жақсарту үшін қажет екені айтылған.
9 наурыз күні, жоспарланған ереуіл қарсаңында, Гамбург әуежайының жерүсті персоналы күтпеген жерден жұмысын тоқтатты. Соның салдарынан 40 000 жолаушы зардап шекті. NDR телеарнасы хабарлағандай, көптеген жолаушылар жолжүгін өткізіп қойғандықтан, оны қайтара алмаған.
Германияның әуе қозғалысын басқару қызметінің мәліметінше, әдетте елдің әуежайларында күніне 6000 рейс (ұшып-қону) және 3000 транзиттік әуе қозғалысы жүзеге асады.