Volkswagen автоконцерні мен оның жұмысшылары арасындағы еңбек даулары жалғасуда. Германияның IG Metall кәсіподақ ұйымы, 1 желтоқсан күні Volkswagen жұмысшылары мен басшылығы арасындағы бейбіт келісімнің мерзімі аяқталған соң, жалпыұлттық ескерту ереуілдерін бастауға шақырды, деп хабарлайды aqshamnews.kz.
Ереуілдер 2 желтоқсаннан бастап барлық Volkswagen зауыттарында басталады. Кәсіподақ басшысы Торстен Грёгер ереуілдердің компания назардан тыс қалдыра алмайтын дәрежеге жететінін айтты.
Volkswagen Германияда 10 зауытты басқарады, оның алтауы Төменгі Саксонияда, үшеуі Саксонияда және біреуі Гессенде орналасқан. Бұл зауыттарда шамамен 120 мың адам жұмыс істейді. Жалақы мәселелері бойынша келіссөздер 9 желтоқсан күні қайта жалғасады.