Жетісу ауданының "Гүлдер" саябағында аудан әкімдігінің ұйымдастыруымен саудагерлер мен фермерлерді бір алаңда тоғыстырған маусымдық жәрмеңке ашылды.
Аудан тұрғындары аудандағы алғашқы жәрмеңкенің ашылуына дән риза. Демалыс сайын осындай жәрмеңке ұйымдастырылып, азық-түлік бағалары осы деңгейде болса деп тілек айтуда.
"Алматы" Әлеуметтік кәсіпкерлік корпорациясы мегополистегі жәрмеңкелерге жергілікті фермерлердң өнімдерін қолжетімді бағада жеткізуіне жағдай жасауда.
Алып шаһардың барлық аудандарында жәрмеңке маусымы басталып жатыр.
Қала халқы өз аудандарында қол жетімді бағаларда азық-түлік ала алады.
Мұндай жәрмеңкенің басты мақсаты – қала тұрғындарын қолжетімді бағамен, жаңа өніммен қамтып қана қоймай, әртүрлі санаттағы кәсіпкерлер үшін тең мүмкіндік қалыптастыру. Әлеуметтік маңызы бар азық-түлік тауарлары мұнда базардағы бағадан шамамен 15%-ға арзан. Сонымен бірге өнім сапасына қатаң талап қойылып, санитарлық нормалар толық сақталады.
Біз көше саудасымен заңсыз айналысып жүргендерді ашық алаңға, құқықтық өріске шақырамыз. Олар тиісті кеңес алып, мәртебесін заңдастырып, қауіпсіз әрі жайлы жағдайда еңбек етсе дейміз. Мұндай интеграция, бір жағынан, тұрғындарға сапалы өнімді арзанырақ алуға жол ашса, екінші жағынан, кәсіпкерлердің адал әрі ашық дамуына мүмкіндік береді, – деді Жетісу аудандық әкімдігі Өнеркәсіп және сауданы дамыту бөлімінің басшысы Самал Нұржанова.