Әңгіме ең алдымен баланың өсуін тежейтін, жүйке, тыныс алу және иммун жүйесін бұзатын химикаттар жөнінде болып отыр. Балалар ойнайтын заттардың құрамындағы кейбір химиялық заттар адамның ұрпақ өрбіту (fertilis) қабілетіне зиян.
Жаңа ереже бойынша ең алдымен ойыншық жасағанда қолдануға тыйым салынатын химиялық заттар: PFAS және CMR тобы.
PFAS дегеніміз – синтетикалы фторорганика қосылыстарының тобы. Оларды балалар ұстамайтын заттарда ғана қолдану керек.
Ал CMR тобындағы химикаттың құрамында канцероген (қатерлі ісік туғызатын), мутагенді және жыныстық жүйе үшін улы заттар бар.
Сарапшылардың пікірінше, бұл химикаттар баланың өсуін, гормон жүйесі мен когнитивті дамуын бұзады, есейген кезде ұрық сапасын төмендетеді.
Бұл шешім интернет арқылы сатылатын өнімдерге де тыйым салады. Бала өмірінің қауіпсіздігіне қатысты ереже Еуропарламент пен ЕО елдері үкіметтері мақұлдаған соң күшіне енеді.
«ЕО-ның ойыншықтар қауіпсіздігі туралы ережесі – әлемдегі ең қатал ереже, бірақ біз қауіп-қатердің алдын алуға тиіспіз», – деді Польшаның даму және технология министрі Кшиштоф Пашик.
Біздің базарлар мен дүкендерде сатылып жатқан ойыншықтардың химиялық құрамы тексеріле ме екен?