Қазақстанның 5 облысында ауа райына байланысты ескерту жарияланды.
«Қазгидромет» РМК Қазақстанның 5 облысында ауа райы тұманды, желді болмақ, деп хабарлайды Almaty-akshamy.kz
6 қараша күні тәулік бойы Түркістан облысының тау бөктерлі және оңтүстік аудандарында тұман түсуі ықтимал. Шымкентте де 6 қараша күні тұман түсуі ықтимал.
Батыс Қазақстан облысында жел оңтүстік-шығыстан, оңтүстіктен соғады, облыстың оңтүстігінде екпіні 15-20 м/с жел соғады. Оралда 6 қарашада жел оңтүстік-шығыстан, оңтүстіктен соғады, күндіз екпіні 15-20 м/с болады.
Ақмола облысының солтүстігінде батыстан, оңтүстік-батыстан жел соғады, екпіні 15-20 м/с болады. Көкшетауда 6 қарашада батыстан, оңтүстік-батыстан жел соғады, екпіні 15 м/с.
Қызылорда облысының орталығында шаңды дауыл тұрады. Жел солтүстік-шығыстан соғады, облыстың орталығында және оңтүстігінде желдің жылдамдығы 15-20 м/с болады. Қызылордада 6 қарашада жел солтүстік-шығыстан соғады, күндіз екпіні 15-20 м/с болады.
Түнде және таңертең Алматы облысының солтүстігінде және таулы аудандарда тұман түседі, 6-8 қарашада Алакөл көлдерінің ауданында жел шығыстан соғады, күші 17-22 м/с күтіледі.
