Ташкенттегі Humo Arena кешенінде қыстың ең көп күтілген жекпе-жектерінің бірі өтті.
Қазақстандық Еркебұлан Тоқтар өзбекстандық Тимур Никулинмен октагонда күш сынасты. Бұл кездесу All Stars Entertainment ұйымдастырған турнирдің басты жекпе-жегі болды.
Нәтижесінде Еркебұлан Тоқтар қарсыласын алғашқы раундта нокаутқа түсіріп, айқын әрі таза жеңіске жетті. Айта кетейік, Еркебұлан Тоқтар актерлік мансапты, Octagon BMF League чемпионы атағын және кәсіби ММА спортындағы жолын қатар алып жүріп келеді.