Үкімет отырысында Энергетика министрі Ерлан Ақкенженов ант берді.
Премьер-министр Олжас Бектенов отырыстың алдында энергетика саласындағы ауыс-түйістерге тоқталып, Атом энергиясы жөніндегі агенттігінің төрағасы болып тағайындалған Алмасадам Сәтқалиевке жаңа қызметінде табыс тіледі. Оның орнына Энергетика министрі болып тағайындалған Ерлан Ақкенженов әріптестерінің алдында ант берді.
— Қазақстан Республикасының халқы мен Президенті алдында өз Отаным — Қазақстан Республикасының экономикалық және рухани даму ісіне барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің іс әрекетімде заңдылық пен әділеттілік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі мен дүниежүзілік қоғамдастықтағы беделін нығайта беруге ант етемін, — деді Ерлан Ақкенженов.