Бұдан бұрын асырап алған балаларды балалар үйіне қайтарудың жиілегені айтылған.
Қазақстан бала асырап алатындарға талапты күшейтеді, деп хабарлайды aqshamnews.kz
Тиісті түзетулерді сенаторлар баланың құқықтарын қорғау туралы заң жобасы аясында мақұлдады.
Сенатор Нүрия Ниязова Конституциялық сот үйленбеген ер адамдарға бала асырап алуға тыйым салатын норманы заңсыз деп танығанын еске салды.
«2024 жылы 23 шілдеде Конституциялық сот некеде тұрмаған ер адамдарға бала асырап алу құқығын шектейтін неке, ерлі-зайыптылық және отбасы туралы кодекстің 91-бабы Конституцияға сәйкес келмейді деп шешті. Алайда жыл сайын балаларға қарсы қылмыстар, соның ішінде жыныстық зорлық-зомбылық көбейіп келеді», - деп атап өтті Ниязова.
2024 жылы Қазақстанда кәмелетке толмағандардың жыныстық тиіспеушілігіне қол сұғудың 890 жағдайы тіркелген. Бұл былтырғы жылдың сәйкес кезеңімен салыстырғанда 8% артық. Бас прокуратураның құқықтық статистика және арнайы есепке алу комитетінің мәліметтері бойынша, мұндай қылмыстардың 99% ер адамдар жасаған.
Ниязова заң жобасында ерлі-зайыптылар үшін бала асырап алудың басым құқығы қарастырылуы керек деп санайды.
Оқу-ағарту вице-министрі Еділ Оспан әзірленген заң шынымен де ерлі-зайыптыларға артықшылық беретінін айтты. Бұдан басқа, бірқатар қатаңдату шараларын енгізу жоспарланып отыр:
Бала асырап алушы мен бала арасындағы жас айырмашылығын анықтау.
Соттылығының болуы туралы мәліметтерді жыл сайын жаңарту.
Психологиялық диагностикадан міндетті түрде өту.
Аккредиттелген ұйымдар арқылы оқыту.
«Аталған түзетулер қазір мемлекеттік органдармен келісу сатысында тұр. Процес аяқталғаннан кейін олар Парламентке енгізіледі», -деді вице-министр.