АМАНГЕЛДІ КӨШЕСІ
Бұл көшеге 29.09.1936 жылы № 43 хаттамамен қазақтың қайсар ұлы, 1916 жылғы ұлт-азаттық көтерілісі көсемдерінің бірі Амангелді Имановтың есімі берілген.
Шаһардағы қысқа көше Райымбек даңғылынан басталып, солтүстіктен оңтүстікке қарай Абай даңғылына дейінгі аралықта созылып жатыр. Алмалы ауданының аумағында орналасқан. Бұрынғы атауы - Киргизская көшесі. Ең қысқа көшенің ұзындығы - 2500 метр.
КӨТЕРІЛІС КӨСЕМІ
Амангелді Иманов (1873-1919) Торғай уезіндегі Қайдауыл болысында дүниеге келген. Торғай уезінің әскери комиссары болған.
Амангелдінің есімі қазақ халқының тарихындағы аса бір даңқты кезең – 1916 жылғы ұлт-азаттық көтеріліспен тығыз байланысты. Империализм қайшылықтарының шегіне жете шиеленісуінің нағыз айғағы болған бұл көтеріліс патша өкіметінің отаршылдық саясатына қарсы бағытталып, халықтың бостандығын көздеді. Бұқара халықтың бұл қозғалысы қазақ жігіттерін майдандағы қара жұмысқа алу жөніндегі патша үкіметінің 1916 жылғы 25 маусымдағы жарлығынан кейін өрши түсті. Амангелді Қостанай, Ақтөбе, Ырғыз, Атбасар, Перовск т.б. қалаларға өз өкілдерін жіберіп, жұмысшы-шаруаларды патша өкіметіне қарсы күреске шақырды.
АМАНГЕЛДІ КӨШЕСІМЕН ҚИЫЛЫСАТЫН КӨШЕЛЕР:
Мақатаев,
Жібек жолы,
Гоголь,
Қазыбек би,
Төле би,
Қарасай батыр,
Қабанбай батыр,
Жамбыл,
Шевченко,
Құрманғазы.
АМАНГЕЛДІ КӨШЕСІНДЕГІ КӨРНЕКІ ОРЫНДАР:
Dar Gymnastics гимнастика мектебі
Жібек жолы сауда орталығы
№15 гимназия
Olive hotel қонақүйі
Ұлы Отан соғысы ардагерлерінің қалалық емханасы
1916 жылғы ұлт-азаттық көтерілісі көсемдерінің бірі Амангелді Имановқа арналған мемориалды тақта
«Мұнайшы» бизнес орталығы
Домбырашы, Қазақстанның халық артисі Бақыт Тоқсанбайқызы Қарабалинаға арналған мемориалды тақта
«Алма» бизнес орталығы
Ауыл шаруашылығы ғылымдарының докторы (1994), Қазақ КСР-інің еңбек сіңірген зоотехнигі Құсайынов Айып Қисаұлына арналған мемориалды тақта
Филолог ғалым Лениншіл Рүстемовке арналған мемориалды тақта
Орманшы-ғалым Э.О.Баум тұрған үй
Орманшы Э.О. Баумның үйі
Бұл үй әйгілі орманшы, табиғат жанашыры Эдуард Баумға (1850–1921) тиесілі болған. Алматыдағы әйгілі Баум тоғайы да орманшының құрметіне аталған.
1927 жылы үй мен аула, сонымен қатар оған іргелес орналасқан бақ мемлекет меншігіне өтті. Уақыт өте келе қала қарқынды дами бастады да, бұрынғы Баум бағының орнына жаңа құрылыстар салынып, бақ толық жойылды. Қазіргі таңда бұл аумақ Сейфуллин даңғылы мен Қабанбай батыр, Амангелді және Жамбыл көшелерімен шектелген. Баумның тарихи үйі 1979 жылы жергілікті маңыздағы тарихи және мәдени ескерткіштер тізіміне енгізілді.
Даңқты мұнайшы, КСРО Құрметті мұнайшысы, Қазақ КСРнің Еңбек сіңірген ғылым мен техника қайраткері Сафи Өтебаевқа арналған мемориалды тақта
Hola-espanhola испан тілін үйрету студиясы
Кинорежиссер, Қазақстан Республикасының еңбек сіңірген өнер қайраткері Ефим Ефимович Аронға арналған мемориалды тақта
«Шартас» бизнес орталығы
«Өрлеу» кәсіби даму институты
Республикалық психикалық денсаулық ғылыми-практикалық орталығы
1950 жылы салынған Түрксіб ауруханасының ғимараты