Қазақстанның ең көне театрларының бірі, Астана қаласындағы М.Горький атындағы мемлекеттік академиялық орыс драма театры Алматы қаласына гастрольдік сапармен келеді.
24-28 қыркүйек аралығында оңтүстік мегаполис тұрғындары мен қонақтары елордалықтардың орындауындағы қойылымдарды тамашалай алады. Спектакльдер Ғ.Мүсірепов атындағы балалар мен жасөспірімдер театрының сахнасында өтеді.
Бұл сапар барысында театр репертуарында А.Островскийдің "Гроза" драмасы, Н.Гогольдің "Женитьба" комедиясы, Э.Ростанның "Сирано де Бержерак" романтикалық драмасы, Кеңес Одағының батыры Әлия Молдағұловаға арналған "Әлия" драмасы және "Жизнь без…" сюрреалистік қойылымы бар. Алматы көрермендері үшін ең танымал әрі жоғары бағаға ие спектакльдер ұсынылады.
Сондай-ақ, балаларға арналған Т.Уфимцева қойған "Щелкунчик" ертегісі 25-28 қыркүйек аралығында көрсетіледі. Бұл ертегінің премьерасы жақында өткен болатын.
Алматыдағы соңғы гастрольдерден бері бес жыл өтті, сондықтан бұл сапар көрермендерге театр репертуарында болған жаңартуларды көрсетуге үлкен мүмкіндік болмақ.
Бұл гастрольдік сапарлар театрдың 124-ші маусымы қарсаңында өткізіліп, актерлер Алматының көрермендеріне жаңа әсер сыйлауды мақсат етіп отыр.
М.Горький атындағы театр 1899 жылы құрылған, бірнеше ондаған елдерге гастрольдік сапар жасап, халықаралық байқаулар мен фестивальдердің жеңімпазы атанған театр ұжымы ретінде танымал.
Қосымша ақпарат пен сұрақтар бойынша: Александра Кустовская: 8-701-620-04-08 Юлия Ким: 8-747-172-19-78