Украинада қалып қойған қазақстандық меншік иелеріне тиесілі 57 жүк көлігінің 51-і шығарылды.
Бұл туралы ҚР Индустрия және инфрақұрыымдық даму министрлігінің баспасөз қызметі хабарлады.
Баспасөз қызметінің мәліметтеріне қарағанда, 11 көлік Ресей Федерациясы аумағына, 8-і Молдоваға және 32-сі Польшаға өтті. Украинада әзірге 6 көлік қалып отыр, оның ішінде 5 жүргізуші - осы елдің азаматтары. Сондай-ақ, қазақстандық операторларға тиесілі 1030 жүк вагоны украин жерінде тұр, деп хабарлайды Almaty-akshamy.kz
Бұл елге қарай бағытталған 509 вагон әзірге Ресей Федерациясы мен Грузия аумағында. Тағы 627 вагон басқа бағыттарға жіберілді.
«Мемлекет басшысы Қасым-Жомарт Тоқаев Украинадағы Қазақстан азаматтарын эвакуациялау жөніндегі жұмысты жіті қадағалап отыр. Халықаралық тасымалдарда туындаған мәселелер бойынша жедел әрекет ету үшін ҚР ИИДМ, «Қазақстан темір жолы» ҰК» АҚ және еліміздің теңіз порттары жанынан «жедел желілер» ашылды»,-делінген хабарламада.
ҚР ИИДМ "жедел желісінің" телефондары: ҚР ИИДМ Көлік комитетінің ахуалдық орталығы: +7 (7172) 98-35-35, 98-35-33; ҚР ИИДМ ахуалдық орталығының WhatsApp нөмірі: + 7 708 088 0 800.