Қазақстан тарапы жағдайды реттеу үшін көршілес елмен жұмыс жүргізіп жатыр.
Мемлекеттік кірістер комитетінің баспасөз қызметі Қазақстан мен Ресей шекарасында шамамен 200 жүк көлігі тұрып қалғанын айтты, деп хабарлайды Almaty-akshamy.kz
«6 шілдеден бастап «Сырым» автомобиль өткізу пунктінде (Батыс Қазақстан облысы) Ресей Федерациясы бағытында шамамен 200 жүк көлігі тұрып қалды. ЕАЭО елдерімен шекарада мемлекеттік кіріс органдары тек тасымалданатын жүктерді бақылауды (5-7 минут ішінде) жүзеге асырады, бұл шекараны кесіп өтуге қиындық тудырмайды және көліктердің жиналуына әкелмейді», - делінген МКК хабарламасында.