Еліміздің бес өңірінде азық-түлік бағасы шарықтап тұр

Еліміздің бес өңірінде азық-түлік бағасы шарықтап тұр Сурет: SN.kz

Әкімдіктер әлеуметтік маңызды азық-түлік бағасын ұстай алмай отыр.


Сауда және интеграция министрі Серік Жұманғарин азық-түлік бағасы шарықтап тұрған өңірлерді атады, деп хабарлайды Almaty-akshamy.kz


Қазақстанда жыл басынан бері азық-түлік инфляциясының орташа деңгейі 1,4 пайызды құрады. Бірақ кейбір өңірлерде бұл көрсеткіш әлдеқайда жоғары болып тұр.



Атап айтқанда, Астана мен Шымкент қалаларында 2,2%, Қызылорда мен Солтүстік Қазақстан облыстарында 1,8%, Ақтөбе облысында 1,7%, ал Ұлытау облысында азық-түлік 1,5 пайызға қымбаттады.



Әкімдіктер әлеуметтік маңызды азық-түлік тауарлары бағасын да ұстай алмай отыр. Мәселен, Маңғыстау облысында осы санаттағы тауарлар 3,4 пайызға көтерілді. Ұлытау облысында 2,8%-ға, ал Астана қаласында 2,5%-ға өскен.



"Тауарлар бөлінісінде жыл басынан бері ең жоғары өсім пиязға 22,5%, күріш 5,2%, қырыққабат 4,1%, сүт және сәбіз 3,1%, картоп 3,0%, макарон 2,6%-ды құрады", - деді Жұманғарин.



Министрдің айтуынша, әкімдіктер қолда бар шараларды да, қаржыны да тиімді пайдаланып жатқан жоқ. Мәселен, Маңғыстау облысында бағаны тұрақтандыруға арналған 3,6 миллиард теңгенің 2 миллиард теңгесі игерілмей жатыр.


Ал Астана қаласында "айналым схемасы" бойынша қаржыландыруға бөлінген қаржының көлемі 14 миллиард теңгені құрайды. Соған қарамастан, елорда бағаның өсуі бойынша көшбасшылар үштігіне кіреді.

Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

21:24

19:01

18:49

17:40

17:25

17:00

16:43

16:40

16:15

16:05

13:22

13:18

10:11

08:45

20:23

19:14

18:01

17:23

16:37

16:22

16:00

14:53

14:44

11:23

10:39