«ҚазАвтоЖол» ашылған жолдар туралы жаңартылған ақпаратты жариялады.
Қазір бірқатар облыста көлік қозғалысы қайта жанданды, деп хабарлайды aqshamnews.kz.
Атап айтқанда:
Алматы облысында
2025 жылғы 5 қаңтарда сағат 04:00–де Алматы облысында «Алматы-Өскемен» автожолының 25-67 шақырым аралығындағы учаскесінде (Ақы алу пунктінен Қонаев қаласына дейін) көлік қозғалысы ашылды.
Шығыс Қазақстан облысында
2025 жылғы 5 қаңтарда сағат 06:00–де «Өскемен-Алтай-Үлкен Нарын-Катонқарағай Рахман кілттері» 6-166 шақырым аралығында (Ушановское ауылынан-Алтай қаласына дейін) көлік қозғалысы ашылды.
2025 жылғы 5 қантар сағат 06:00–де келесі республикалық маңызы бар автомобиль жолдарында көлік қозғалысы ашылды:
Қызылорда облысы
«Шымкент-Самара» 1240-1357 шақырым аралығында (Ақтөбе обл. шекарасынан — Арал қаласына дейін)
Ақтөбе облысы
«Шымкент-Самара» 776-1240 шақырым аралығында (Ақтөбе қаласынан — Қызылорда облысының шекарасына дейін) «Қарабұтақ-Комсомол-Денисовка-Рудный-Қостанай» 0-234 шақырым аралығында (Қарабұтақ ауылынан — Қостанай облысының шекарасына дейін)
Қостанай облысы
«Қарабұтақ-Комсомол-Денисовка-Рудный-Қостанай» 234-310 шақырым аралығында (Ақтөбе обл. шекарасынан — Адаевка ауылына дейін)
Айта кетейік, 1403 байланыс орталығына хабарласып, жолдардың ашылуы және жабылуы туралы тәулік бойы қосымша ақпарат алуға болады.
