Алматыда бұған дейін жолақы былтырғы тамызда қымбаттаған еді.
Астана мен Алматыда жол жүру қымбаттайды, деп хабарлайды aqshamnews.kz
Қазақстанның елордасы – Астана мен еліміздің ең ірі мегаполисі – Алматы тұрғындары үшін тамыз айы қоғамдық көлікте жол жүру ақысын көтеруден басталады. Астанада 20 теңгеге қымбаттайды. 1 тамыздан бастап автобуспен жол жүретін азаматтар бір рет жол жүру үшін 110 теңге төлейді.
Сол сияқты алматылықтар үшін автобус, троллейбус және метродағы жол жүру бағасы 20 теңгеге қымбаттайды. 2024 жылдың тамыз айының басынан жол жүру құны картамен немесе банк қосымшасы арқылы 120 теңгені құрайды.
Бұл ретте Алматыдағы қоғамдық көлік жүргізушілеріне жол ақысын қолма-қол алуға толық тыйым салынуы мүмкін. Бұған дейін қоғамдық көлікте жол жүру ақысы өткен жылдың тамыз айында қымбаттаған болатын. Сол кезде де жол жүру ақысы 20 теңгеге қымбаттап, 80 теңгеден 100 теңгеге көтерілді. Қолма-қол төлегенде жол жүру ақысы 200 теңге болды.