Байқаудың негізгі мақсаты – кітап оқу мәдениетін қалыптастыру.
Жұмыстар келесі жылдың 15 қаңтар-1 сәуір аралығында қабылданады, деп хабарлайды aqshamnews.kz
Ұлттық кітап күні мерекесіне орай «Ұлттық кітап» байқауы жарияланды.
Мәдениет және ақпарат министрлігінің ақпаратына сәйкес, байқаудың негізгі мақсаты – кітап оқу мәдениетін қалыптастыру, үздік авторларды анықтап, қазақ әдебиетінің, руханиятының дамуына ықпал ету, сондай-ақ аудармашыларды, баспагерлер мен кітап дизайнерлерін қолдау және ынталандыру.
Байқауға ұсынылатын жұмыстар 2025 жылғы 15 қаңтар-1 сәуір аралығында қабылданады.
Конкурсқа кейінгі екі жылда жарық көрген туындылар қабылданады. Қабылдау мерзімі аяқталғаннан кейін түскен жұмыстар тіркелмейді.
Байқау келесі 10 номинация бойынша өтеді:
Балаларға арналған үздік кітап;
Үздік комикс;
Нон фикшн бағытындағы үздік кітап;
Детектив жанрындағы үздік кітап;
Сатира жанрындағы үздік кітап;
Үздік илюстрациялық кітап;
Үздік аударма кітабы;
Фантастика жанрындағы үздік кітап;
Үздік баспа;
«Жыл кітабы» Гран-при сыйлығы.
«Байқауға қатысатын жұмыстардың көркемдік деңгейі, тіл тазалығы, сөздік қоры, өзіндік стильдің болуы, тақырып өзектілігі, мазмұн тереңдігі, тарихи әділдігі, өндірістік сапаның жоғары болуы, дизайнерлік жұмыстың жоғары болуы сияқты критерийлерге сәйкес келуі керек», -делінген министрлік хабарламасында.