2 жылдық шара бензин тапшылығын болдырмау үшін жасалған.
Энергетика министрлігінің мәліметінше, елде халық тұтынатын АИ-92 бензині мен дизель отынына сұраныс көбейген, деп хабарлайды aqshamnews.kz
Оған қоса шекаралас мемлекеттерде бензин бағасы әлдеқайда арзан. Салдарынан бензин мен дизель отынын жасырын жолмен тасымалдау көбейген. Мәселен бір айдағы экспорт көлемі 10 мың тоннаға жуықтайды.
Соған сай 2024 жылдың 31 желтоқсаны мен 2026 жылдың 31 желтоқсаны аралығында Қазақстаннан ЕАЭО-ның кедендік аумағынан тыс жерге мұнай өнімдерінің жекелеген түрлерін алып кетуге шектеу қойылады.
Бұл шара республика бойынша мына мәселелерді шешуге септігін тигізбек:
мұнай өңдеу зауыттарының әлеуетін арттыру;
бензин тапшылығын азайту;
бажсыз жеткізу шарттарын орындау;
импортталатын мұнай өнімдерінің заңсыз тасымалына тоқсауыл қою.
Құжат Ашық порталында жарияланды.