Елена Рыбакина Доха қаласында өтіп жатқан WTA 1000 турнирінің ширек финалында Лейла Фернандесті жеңіп WTA 1000 турнирінің жартылай финалына шықты
Канадалық теннисші матчты жақсы бастап, 4:1 есебімен алға шықты. Дегенмен бұдан кейін Рыбакина қатарынан 5 геймді алып, есепті 6:4-ке жеткізді. Екінші сетте Рыбакина есеп 3:2 болған кезде брейк жасай алды. Содан кейін матчты тағы бір брейкпен түйіндеді. Есеп – 6:2. Матч бір сағат, 34 минутқа созылды. Осы уақытта Рыбакина 6 эйспен бірге 11 брейк-пойнттың бесеуін өз есебіне жазды.
Елена Рыбакина финалға шығу үшін әлемнің 32-ракеткасы, 2021 жылғы Ролан Гаррос жарысының финалисі, ресейлік Анастасия Павлюченковамен кездеседі.