2024 жылдың тамыз айында Қазақстанда 10,7 мың электрлік жеңіл автокөлік тіркелді, бұл өткен жылдың сол айымен салыстырғанда 2,3 есеге көп, деп хабарлайды aqshamnews.kz.
Бұл көрсеткіш еліміздегі электромобильдерге деген сұраныстың қарқынды өсіп жатқанын көрсетеді.
Өңірлер бойынша қарасақ, ең көп тіркелген электромобильдер Алматы қаласына тиесілі екен. Мұнда 6,3 мың көлік тіркеліпті. Бұл 2023 жылдың тамызымен салыстырғанда 2,3 есеге көп. Екінші орында Астана қаласы, мұнда 1,4 мың көлік тіркелген. Ал үшінші орында Алматы облысы, онда 552 электрокөлік тіркелген. Ең аз көрсеткіш Абай облысында тіркелді, мұнда барлығы 25 электромобиль тіркелген.
Айта кететін жайт, елде дипломатиялық нөмірлері бар 125 электрлік жеңіл автокөлік тіркелді. Бұл өткен жылмен салыстырғанда 4,6 есе көп, бұл дипломатиялық өкілдіктерде де экологиялық таза көліктерге сұраныстың артқанын көрсетеді.