Олимпиада чемпионы Елдос Сметовке Алматыдан пәтер сыйға тартылды
Қазақстандық дзюдошы Елдос Сметовке Алматы қаласындағы «Комфорт Сити» тұрғын үй кешенінен пәтер сыйға тартылды. Бұл сыйлық Қазақстанның ең мықты спортшыларының бірі, Парижде өткен Олимпиада ойындарында елге алғашқы алтын медальды алып келген Елдос Сметовтың ерен еңбегін танудың және қолдаудың символы ретінде берілді.
«Біз өз спортшыларымызбен, әсіресе Елдос Сметов сияқты батырлармен мақтанамыз. Олар өз үлгісімен миллиондаған қазақстандықтарға шабыт береді. Дзюдоға қолдау көрсету — еліміздің болашағына салынған инвестиция», — деп атап өтті SABA GROUP KZ компаниясының өкілі Саурыков Алмас.
«Комфорт Сити» тұрғын үй кешені — бұл SABA GROUP KZ компаниясының заманауи жобасы, оның негізгі бағыты тұрғындардың өмір сүру сапасын арттыруға бағытталған. Компания әлеуметтік бастамаларды қолдауды жалғастырып, Қазақстанның дамуына өз үлесін қосуды мақсат етеді.