Қазақстан ұлттық құрамасының спортшылары Париж Олимпиадасына тағы төрт квота жеңіп алды. Соңғы үш жолдама теннисшілерге тиесілі. Бұл туралы Олимпиадалық штаб отырысында айтылды, деп хабарлайды аlmaty-akshamy.kz.
Халықаралық Теннис федерациясының жаңартылған рейтингі бойынша Елена Рыбакина, Юлия Путинцева мен Александр Бублик Франциядағы байрақты бәсекеге жолдама иеленді. Бұдан бөлек, үстел теннисінен Кирилл Герасименко да Олимпиадаға барады. Отандасымыз Азия құрлығында жолдама алмаған спортшылардың арасында рейтингте ең жоғарғы орында болды. Осылайша, қазақстандық атлеттер Париждегі жарысқа спорттың 22 түрінен 71 лицензия қоржынға салды.