Жасанды интеллект және цифрлық даму министрі Жаслан Мадиевтің мәлімдеуінше, заманауи eGov 3.0 порталы іске қосылды, – деп хабарлайды aqshamnews.kz тілшісі.
Портал QazTech платформасы негізінде әзірленген. Вице-премьердің айтуынша, мемлекеттік қызметтер барынша жеңілдетіліп, қазақстандықтар үшін қолдануға ыңғайлы бола түсті.
«Қазір сұранысқа ие бірқатар қызмет жаңа форматта қолжетімді. Порталда кері байланыс нысаны іске қосылды. Онда әрбір пайдаланушы қызметтерді ыңғайлау жөнінде өз ұсынысын қалдыра алады. Барлық қазақстандықтарды белсенді қатысуға шақырамыз. Үздік ұсыныстар порталды одан әрі жаңғырту барысында ескерілетін болады. Жұмыс әрі қарай жалғасатын болады», – деді Жаслан Мадиев Үкімет отырысында.
Сондай-ақ министр Қазақстандағы барлық мемлекеттік орган QazTech платформасына көшетінін мәлімдеді.