Жеке тұлғалар үшін тегін.
Жаңа функция QazaqGaz Aimaq АҚ тұтынушыларына қолжетімді, деп хабарлайды aqshamnews.kz
Енді eGov mobile мобильді қосымшасы арқылы жеке тұрғын үйді газға қосуға болады.
Жеке үй иелері табиғи газға қосылудың техникалық шарттарын eGov mobile мобильді қосымшасы арқылы онлайн да ала алады.
Ол үшін пайдаланушы қосымшада көрсетілген барлық жолды толтырып, мүлікке қатысты мәліметтерді растауы қажет.
Өтінім дұрыс толтырылған жағдайда техникалық шарт беріледі.
Ол техникалық жағынан күрделі емес объектілер үшін 5 жұмыс күні, күрделі объектілер үшін 10 жұмыс күні ішінде ұсынылады.