«Ауыл» партиясы Батыс Қазақстан облысында – әйгілі «Еділбай» қой тұқымының отанында – «Auyl Fest. Қой шаруашылығы» атты алғашқы халықаралық фестивальді ұйымдастырды.
Бұл бірегей шара дәстүр мен жаңашылдықты ұштастырып, қой шаруашылығы саласының Германия, Франция, Иран, Қытай, Ресей, Түркия елдерінен келген үздік өкілдерін бір арнаға тоғыстырды, деп хабарлайды aqshamnews.kz.
Жобаның мақсаты:
- Ұлттық дәстүрлерді жаңғырту арқылы патриотизмді нығайту;
- Қой шаруашылығын танымал ету арқылы ауыл халқының жұмыспен қамтылуын және табыс деңгейін арттыру;
- Өңірдің агроөнеркәсіптік кешеніне инвестиция тарту;
- Халықаралық тәжірибе мен озық технологияларды енгізу арқылы фермерлерді қолдау;
- Ауыл туризмін дамыту.
Фестиваль тек жарқын этномәдени оқиға ғана емес, сонымен бірге инвестиция тартуға және қой шаруашылығын Қазақстанның агроөнеркәсіптік кешенінің маңызды бағыттарының бірі ретінде ілгерілетуге тиімді алаң болды.