Алматы хайуанаттар бағына американдық натуралист-фотограф келді. Ол сирек кездесетін аңдарды суретке түсіріп, жойылып кетудің алдын алмақ, деп хабарлайды Almaty-akshamy.kz.
Қызыл кітапқа енгізілген ақбөкендер мен ұларларды сүретке түсіру үшін Алматы қаласына 3 күн аялдадым. Өйткені, Алматы хайуанаттар бағында сирек кездесетін ақбөкендерді кездестіруге болады. Олардың жүріс-тұрысы мен келбеті маған қатты ұнады. Болашақта бұл жануарлардың көбейіп, Қызыл кітапқа енгізілмегенін қалаймын, – дейді Джоэл Сарторе.
Джоэл жануарларды қара немесе ақ фонда түсірген. Осылайша, суретте ақбөкендердің бейнесі ерекшелене түскен.
Жарықта пайдалану – жануарлардың шынайы түсстерін береді, ал – қара және ақ фон назарыңды басқа жаққа бұрмай, жануарлардың тікелей көзіне қарауға мүмкіндік береді, – дейді фотограф.
Алматы хайуанаттар бағы Джоэл Сарторені құрметпен қарсы алып, жұмысына қажетті құралдармен қамтамасыз еткен.
Оның суреттерінде кішкентай тышқан да, үлкен піл де әдемі көрінеді. Фотограф өз жұмысын тиянақты әрі ұқыпты атқарады. Оның түсірген сүреттерінде тұмса табиғат пен жан-жануарлар шебер үндеседі. Фотограф өз жұмысы арқылы адамдардың табиғатқа жанашырлық танытуын үгіттейді. Джоэл Сарторе біздің хайуанаттар бағын таңдағанына қуаныштымыз, – дейді Алматы хайуанаттар бағының қызметкерлері.
Американдық маман суретке түсірген жануарлардың кем дегенде 75-80 пайызын жойылып кетуден құтқаруға болады дейді.
Адамдардың жан-жануарларға деген сүйіспеншілігін арттыру керек. Сонда ғана біз жануарларды жойылып кетуден сақтай аламыз. Осылайша адамзат баласы Қызыл кітапқа енген түрлерге қалай көмек көрсетуді ойлайды. Олардың өмірлеріне қауіп төндіретін әрекеттерге бармайды. Біз ұйымдастырған фотокөрменің мақсаты – үлкенді-кішілі барлық тіршілік иелеріне құрмет көрсету. Сондай-ақ адамдарға жануарлар жойылып кетсе, біздің де жоғалып кетуіміз мүмкін екенін түсіндіру, – дейді Джоэл Сарторе.