Бұл туралы ҚР Энергетика министрі Болат Ақшолақов ОКҚ алаңында өткен брифингте айтты, деп хабарлайды Almaty-akshamy.kz.
Министрдің айтуынша, қазақстандық дизель отынын түрлі жолдарды пайдаланып, шетелге сатудан түсетін пайда 50%-дан 120%-ға дейін жетеді, жалпы пайда жылына шамамен 140 млн АҚШ долларын құрайды.
Болат Ақшолақов атап өткендей, көрші елдердегі жағдай Қазақстанның ішкі нарығына да әсер етіп отырады. Мысалы, өткен жылдың наурызында Ресейдегі бөлшек саудадағы дизель отынының бағасы Қазақстандағы бағамен теңесіп, арзандаған. Нәтижесінде Ресеймен шекаралас жанармай станцияларында отынды сату көлемі азайғаны байқалған, демек Қазақстаннан жанармай шығару экономикалық тиімсіз болды.