Димаштың концертіне 80 елден көрермен келді.
30 мыңға тарта адам сыятын «Астана Арена» стадионы 2 күн бойы көрерменге лық толды. Әлемге әйгілі өнерпаздың бірегей дауысын есту үшін жаһанның 80-нен астам елінен 10 мыңға тарта жанкүйер елордаға арнайы ат басын бұрған, деп хабарлайды aqshamnews.kz 24.kz-ке сілтеме жасап.
Димаштың «Stranger» атты жеке концертін ұйымдастыруға 200-ден астам кәсіпқой маман атсалысты. Сонымен қатар 300-ден астам адамнан тұратын халықаралық өнерпаздар тобы өнер көрсетті. Олар Қытай, Ресей, Камерун, Гана, Уганда, Мексика секілді алыс-жақын елдерден келді. Димаш 3 сағат бойы тек жанды дауыста ән шырқады.