Димаш Құдайберген Латын Америкада үлкен концерт өткізеді, деп хабарлайды Aqshamnews.kz
Қазақстанның халық әртісі Димаш Құдайберген 2025 жылдың 8 қазанында Мексика астанасы Мехикода жеке концертін өткізбек. “Stranger” атты шоу әлемге әйгілі Auditorio Nacional залында өтеді. Бұл орын — Мексиканың ең танымал әрі беделді концерт алаңдарының бірі.
Осы жаңалықты естіген жанкүйерлер әлеуметтік желілерде өз қуаныштарын жарыса жазып, Димашты қолдауға дайын екендерін білдіруде.
Айта кетейік, жуырда Димаш Қырғызстанда өткен IV «Мейкин Азия» халықаралық музыкалық фестиваліне қатысып, сол жерде оған “Қырғызстанның халық әртісі” атағы берілген болатын.