Қазақстанның Халық әртісі Димаш Құдайберген Франция президенті Эмманюэль Макронға алғыс білдірді.
Танымал әнші өзінің әлеуметтік желідегі парақшасында екі ел арасындағы қарым-қатынастың нығая беруіне тілектестік білдірді, деп хабарлайды aqshamnews.kz.
Таяуда президентіміз Қасым-Жомарт Кемелұлы Тоқаевтың Францияға мемлекеттік сапары болды. Осы сапарда еліміздің делегациясының құрамында болғаным үшін қуаныштымын. Президент Эманнюэль Макронға шақыруы мен қонақжайлылығы үшін алғыс айтамын.
Елисей сарайының қонақтарына арнап француз тілінде «SOS d’un terrien en détresse» әнін шырқап, француз достарымызға ыстық ықыласпен қазақтың «Дайдидау» халық әнін таныстырдым. Екі елдің арасындағы мәдени байланыс кеңейіп, нығая берсін! - деп жазды ол.