Қазақстанда ақпан айы өтеусіз қан донорлығы айы болып жарияланды, деп хабарлайды Aqshamnews.kz тілшісі. Осы бастама аясында Денсаулық сақтау министрі Ақмарал Әлназарова өзі де донор болып, қан тапсырды.
Денсаулық сақтау министрлігінің мәліметінше, елімізде жыл сайын 180 мыңға жуық азамат донор ретінде қан тапсырады. Донорлардан алынған қан шамамен 80 мың науқасқа құйылады.
Ведомство атап өткендей, бастама ерікті әрі өтеусіз донорлық мәдениетін дамытуға, сондай-ақ қоғамда жауапкершілік, өзара көмек пен гуманизм құндылықтарын нығайтуға бағытталған.
Министр Ақмарал Әлназарова осы акцияға жеке өзі қатысып, қан тапсыру арқылы азаматтарды донор болуға үндеді.