Жедел жәрдем қызметі сәбиді Балаларға шұғыл медициналық көмек көрсету орталығына дереу жеткізді, – деп хабарлайды aqshamnews.kz тілшісі.
Оқиға үйде болған: бала қолында қайшымен жүгіріп жүріп, сүрініп құлаған кезде өткір зат маңдайына кіріп кеткен.
Дәрігерлер оны бірден жансақтау бөліміне апарып, жедел түрде қайшыны алып тастады. Кейін бала жансақтау және қарқынды терапия бөліміне жатқызылды.
Дәрігерлер баланың түскен сәттегі жағдайын ауыр деп бағалады. Ол әлсіреп, мазасызданып, құсып, терісі бозарып, жарақат алған жерде айқын ісіну байқалған.
Компьютерлік томография нәтижесінде күрделі жарақат анықталды: сол жақ маңдай сүйегінің бірнеше жерден сынып, ішке қарай кіріп, сүйек сынықтарының миға енуі, сондай-ақ пневмоцефалия мен қосымша зақымдар тіркелген.
Ми қабықтары мен ми тінінің зақымдануымен қатар жүретін ауыр ашық бас-ми жарақаты және ми соғылуы деп диагноз қойылды.
Қайшыны алу отасы шамамен 10 минутқа созылған. Оны дәрігер Николай Кутырев жүргізді.
Бала бір апта бойы Балаларға шұғыл медициналық көмек көрсету орталығында мамандардың бақылауында болды. Ем аяқталған соң жағдайы жақсарып, үйіне шығарылды. Алдағы уақытта тұрғылықты жері бойынша емханада невропатологтың бақылауында болады.
Дәрігерлердің кәсіби әрі үйлесімді жұмысының арқасында қысқа уақыт ішінде тиімді көмек көрсетіліп, бала аман қалды.