Алматы әкімі Дархан Сатыбалды әлеуметтік желідегі парақшасында «Қайрат» футбол клубын тарихи жетістігімен құттықтады, деп хабарлайды Aqshamnews.kz.
«Қайрат» футбол клубын тарихи жетістігімен – жеңісімен және Еуропаның ең беделді додасы, УЕФА Чемпиондар лигасының негізгі кезеңіне жолдама алуымен шын жүректен құттықтаймын!
Алматылық команда өз шеберлігі мен жігерін айқын көрсетті. Бұл жеңіс – барша алматылықтар үшін қуаныш, бүкіл ел үшін үлкен мақтаныш.
Клубқа алдағы уақытта да жеңістер мен Еуропа алаңында сәтті өнер көрсетуді тілеймін.
Алматыда жаңа заманауи стадионның салынуы Қазақстан футболының дамуына тың серпін беретіні анық.
Жеңіс құтты болсын!» - деп жазды ол.